ਮੁੱਲਾਂਪੁਰ ਦਾਖਾ/ ਹੰਬੜਾਂ 10 ਫਰਵਰੀ ( ਦਾ ਮਿਰਰ ਪੰਜਾਬ) – ਕੈਪਟਨ ਸੰਦੀਪ ਸਿੰਘ ਸੰਧੂ ਨੇ ਬੇਟ ਇਲਾਕੇ ’ਚ ਵੱਡੀ ਪੱਧਰ ’ਤੇ ਵਿਕਾਸ ਕਾਰਜ ਕਰਵਾਏ ਹਨ, ਜਿਸਦਾ ਮੁੱਲ ਬੇਟ ਇਲਾਕੇ ਦੇ ਲੋਕ ਕੈਪਟਨ ਸੰਦੀਪ ਸਿੰਘ ਸੰਧੂ ਨੂੰ ਵੋਟਾ ਪਾ ਕੇ ਮੋੜਨਗੇ। ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਬਲਾਕ ਸੰਮਤੀ ਦੇ ਚੇਅਰਮੈਨ ਲਖਵਿੰਦਰ ਸਿੰਘ ਘਮਨੇਵਾਲ ਨੇ ਪਿੰਡ ਕੋਟਲੀ ਵਿਖੇ ਸਰਦਾਰ ਹਰਜਿੰਦਰ ਸਿੰਘ ਹੇਰ ਅਤੇ ਯੂਥ ਆਗੂ ਹਰਮੀਤ ਸਿੰਘ ਹੇਰ ਦੇ ਗ੍ਰਹਿ ਵਿਖੇ ਕਾਂਗਰਸੀ ਵਰਕਰਾਂ ਦੀ ਮੀਟਿੰਗ ਉਪਰੰਤ ਪੱਤਰਕਾਰਾਂ ਨਾਲ ਸਾਂਝੇ ਕਰਦਿਆ ਕੀਤਾ। ਉਨ੍ਹਾਂ ਨਾਲ ਸਮਾਜ ਸੇਵੀ ਰਣਯੌਧ ਸਿੰਘ ਹੇਰ, ਸਰਪੰਚ ਸੁਖਵਿੰਦਰ ਸਿੰਘ ਟੋਨੀ ਭੱਠਾ ਧੂਆਂ, ਬੋਬੀ ਕੋਟਲੀ ਆਦਿ ਹਾਜਰ ਸਨ।
ਚੇਅਰਮੈਨ ਘਮਨੇਵਾਲ ਨੇ ਕਿਹਾ ਕਿ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੀ ਅਗਵਾਹੀ ਚ ਸੂਬੇ ਅੰਦਰ ਕਰੋੜਾਂ ਰੁਪਏ ਨਾਲ ਜੰਗੀ ਪੱਧਰ ਤੇ ਵਿਕਾਸ ਹੋਇਆਂ ਹੈ। ਦੂਸਰੇ ਪਾਸੇ ਅਕਾਲੀ ਸਰਕਾਰ ਸਮੇ ਕੋਈ ਵੀ ਵਿਕਾਸ ਨਾ ਹੋਣ ਦਾ ਮੈ ਹਮੇਸਾਂ ਵਿਰੋਧ ਕਰਦਾ ਆ ਰਿਹਾਂ ਹਾਂ ਅਤੇ ਅਕਾਲੀ ਦਲ ਬਸਪਾ ਦੇ ਉਮੀਦਵਾਰ ਦਾ ਲੋਕਾਂ ਕੋਲੋ ਵੋਟਾਂ ਮੰਗਣ ਦਾ ਕੋਈ ਹੱਕ ਨਹੀ ਬਣਦਾ। ਹਲਕੇ ਦਾਖੇ ਅੰਦਰ ਕੈਪਟਨ ਸੰਦੀਪ ਸਿੰਘ ਸੰਧੂ ਦੀ ਅਗਵਾਹੀ ਚ ਹੋਏ ਵਿਕਾਸ ਕਾਰਜ ਦੀ ਲੋਕ ਇਤਿਹਾਸਕ ਜਿੱਤ ਦੀ ਹਾਮੀ ਭਰ ਰਹੇ ਹਨ। ਚੇਅਰਮੈਨ ਨੇ ਅੱਗੇ ਕਿਹਾ ਕਿ ਹਲਕੇ ਦਾਖੇ ਦਾ ਬਹੁਪੱਖੀ ਵਿਕਾਸ ਸਿਰਫ ਤੇ ਸਿਰਫ ਕੈਪਟਨ ਸੰਦੀਪ ਸੰਧੂ ਹੀ ਕਰ ਸਕਦੇ ਹਨ।
ਉਕਤ ਆਗੂਆਂ ਨੇ ਕਿਹਾ ਕਿ ਉਹ ਬੇਟ ਇਲਾਕੇ ਵਿੱਚੋਂ ਕੈਪਟਨ ਸੰਦੀਪ ਸਿੰਘ ਸੰਧੂ ਨੂੰ ਵੱਡੀ ਬਹੁਮੱਤ ਨਾਲ ਜਿਤਾਇਆ ਜਾਵੇਗਾ, ਕਿਉਂਕਿ ਉਨ੍ਹਾਂ ਨੇ ਬੇਟ ਇਲਾਕੇ ਦੇ ਹਰ ਇੱਕ ਪਿੰਡ ਅੰਦਰ ਘਰ-ਘਰ ਜਾ ਕੇ ਵੋਟਰਾਂ ਅਤੇ ਸਪੋਟਰਾਂ ਨੂੰ ਕੈਪਟਨ ਸੰਧੂ ਜੀ ਦੇ ਹੱਕ ਵਿੱਚ ਫਤਵਾ ਦੇਣ ਲਈ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ।
