ਜਲੰਧਰ, 29 ਜੁਲਾਈ (ਦਾ ਮਿਰਰ ਪੰਜਾਬ): ਇੰਨੋਸੈਂਟ ਹਾਰਟਸ ਸਕੂਲ ਆਫ ਹੋਟਲ ਮੈਨੇਜਮੇਂਟ ਨੇ ‘ਹਾਸਪਿਟੈਲਿਟੀ ਐਂਡ ਟੂਰਿਜ਼ਮ’ ਦੇ ਲਈ ਵਿਦੇਸ਼ ਵਿੱਚ ਇੰਟਰਨਸ਼ਿਪ ਅਤੇ ਕਰੀਅਰ ਵਿਸ਼ੇ ਉੱਤੇ ਇੱਕ ਵੈਬੀਨਾਰ ਦਾ ਆਯੋਜਨ ਕੀਤਾ। ਜਿਸ ਵਿੱਚ ਸਕੂਲ ਆਫ ਹੋਟਲ ਮੈਨੇਜਮੈਂਟ ਦੇ ਵਿਦਿਆਰਥੀਆਂ ਨੂੰ ਅੰਤਰਾਸ਼ਟਰੀ ਇੰਟਰਨਸ਼ਿਪ ਪ੍ਰੋਗਰਾਮ ਤੋਂ ਜਾਣੂੰ ਕਰਵਾਇਆ ਗਿਆ। ਵੈਬੀਨਾਰ ਦੇ ਲਈ ਰਿਸੋਰਸ ਪਰਸਨ ਸ੍ਰੀਮਤੀ ਅੰਕਿਤਾ ਰਾਜ (ਰਿਕਰਿਊਟਮੈਂਟ ਅਫਸਰ, ਜੋਜੋ ਇੰਟਰਨੈਸ਼ਨਲ, ਮੁੰਬਈ) ਸਨ।
ਸ੍ਰੀਮਤੀ ਅੰਕਿਤਾ ਨੇ ਸੰਯੁਕੱਤ ਰਾਸ਼ਟਰ ਅਤੇ ਦੁਬਈ ਦੁਆਰਾ ਵਿਦਿਆਰਥੀਆਂ ਨੂੰ ਪੇਸ਼ ਕੀਤੇ ਜਾਣ ਵਾਲੇ ਕਰੀਅਰ ਦੇ ਮੌਕਿਆਂ ਅਤੇ ਇੰਟਰਨਸ਼ਿਪ ਪ੍ਰੋਗਰਾਮਾਂ ਦੇ ਬਾਰੇ ਵਿੱਚ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਇੰਟਰਨਸ਼ਿਪ ਪ੍ਰਕਿਰਿਆ ਉੱਤੇ ਵਿਦਿਆਰਥੀਆਂ ਦਾ ਧਿਆਨ ਕੇਂਦਰਿਤ ਕਰਦੇ ਹੋਏ ਕੰਪਨੀ ਦੇ ਨਿਯਮਾਂ ਅਤੇ ਸ਼ਰਤਾਂ ਤੋਂ ਜਾਣੂੰ ਕਰਵਾਇਆ। ਉਸ ਤੋਂ ਬਾਅਦ ਪੰਜੀਕਰਨ ਪ੍ਰਕਿਰਿਆ, ਪ੍ਰਾਯੋਜਕ ਇੰਟਰਵਿਉ, ਪ੍ਰਸਤਾਵ ਪੱਤਰ, ਉਡਾਨ ਸ਼ੁਲਕ ਸਹਿਤ ਵੀਜ਼ਾ ਆਵੇਦਨ ਪ੍ਰਕਿਰਿਆ ਉੱਤੇ ਵੀ ਧਿਆਨ ਕੇਂਦਰਿਤ ਕੀਤਾ। ਇਹ ਸੈਸ਼ਨ ਬਹੁਤ ਹੀ ਸੰਵਾਦਾਤਮਕ ਰਿਹਾ ਅਤੇ ਵਿਦਿਆਰਥੀਆਂ ਨੇ ਬੜੀ ਉਤਸੁਕਤਾ ਦੇ ਨਾਲ ਵਕਤਾ ਤੋਂ ਇੰਟਰਨਸ਼ਿਪ ਅਤੇ ਪਲੇਸਮੈਂਟ ਮਾਨਦੰਡ ਦੇ ਬਾਰੇ ਵਿੱਚ ਪ੍ਰਸ਼ਨ ਪੁੱਛੇ। ਵੈਬੀਨਾਰ ਦਾ ਆਯੋਜਨ ਸ਼ੈਫ ਗਗਨਦੀਪ ਹਮਪਾਲ (ਐਚ.ਓ.ਡੀ. ਸਕੂਲ ਆਫ ਹੋਟਲ ਮੈਨੇਜਮੈਂਟ) ਨੇ ਕੀਤਾ। ਉਨ੍ਹਾਂ ਨੇ ਵਿਦਿਆਰਥੀਆਂ ਦੇ ਨਾਲ ਵਿਦੇਸ਼ ਵਿੱਚ ਇੰਟਰਨਸ਼ਿਪ ਮਾਨਦੰਡ ਸਾਂਝਾ ਕਰਨ ਦੇ ਲਈ ਸ੍ਰੀਮਤੀ ਅੰਕਿਤਾ ਰਾਜ ਨੂੰ ਧੰਨਵਾਦ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀਆਂ ਗਤੀਵਿਧੀਆਂ ਪ੍ਰੋਫੈਸ਼ਨਲ ਰੂਪ ਵਿੱਚ ਕਰੀਅਰ ਨੂੰ ਅੱਗੇ ਵਧਾਉਣ ਦੇ ਲਈ ਵਿਦਿਆਰਥੀਆਂ ਦੇ ਦਿਮਾਗ ਨੂੰ ਸ਼ਕਤੀਸ਼ਾਲੀ ਬਣਾਉਂਦੀਆਂ ਹਨ।
