*ਐਸੋਸੀਏਸ਼ਨ ਫ਼ਾਫ਼ੀ ਦੇ ਚੀਫ ਸ਼੍ਰੀ ਜੋਗਿੰਦਰ ਕੁਮਾਰ ਅਤੇ ਗੋਪੀਉ ਦੇ ਮੁਖੀ ਰਾਜਾ ਮੁਨੂੰਸਵਾਮੀ , ਸਰਬ ਧਰਮ ਵਾਲੇ ਪ੍ਰੋਗਰਾਮ ਵਿੱਚ ਮੁੱਖ ਮਹਿਮਾਨ ਦੀ ਹੈਸੀਅਤ ਵਿੱਚ ਸ਼ਾਮਿਲ ਹੋਏ ਸਨ -ਲੱਖੀ ਅਤੇ ਬੱਬੂ ਹਰਿਆਣਾ*

ਪੈਰਿਸ 22 ਮਈ (ਦਾ ਮਿਰਰ ਪੰਜਾਬ ) ਫਰਾਂਸ ਵਿੱਚ ਪਹਿਲੀ ਵਾਰੀ ਗੁਰਦਵਾਰਾ ਸੰਤ ਬਾਬਾ ਪ੍ਰੇਮ ਸਿੰਘ ਲਾ ਕੋਰਨਵ ਪੈਰਿਸ ਫਰਾਂਸ ਦੀ ਸਮੂਹ ਸਾਧ ਸੰਗਤ ਦੇ ਉਪਰਾਲੇ ਸਦਕਾ ਸਰਬ ਧਰਮ ਦੇ ਨਾਮ ਹੇਠ ਧਾਰਮਿਕ ਪ੍ਰੋਗਰਾਮ ਦਾ ਜਿਹੜਾ ਪ੍ਰੋਗਰਾਮ ਪਿਛਲੇ ਦਿਨੀ ਕੀਤਾ ਗਿਆ ਸੀ , ਦੇ ਵਿੱਚ ਹਿੱਸਾ ਲੈਣ ਵਾਲੀਆਂ ਸਾਰੀਆਂ ਹੀ ਸ਼ਖਸ਼ੀਅਤਾਂ ਦਾ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਵਲੋਂ ਦਿੱਲ ਦੀਆਂ ਗਹਿਰਾਹੀਆਂ ਵਿੱਚੋਂ ਧੰਨਵਾਦ ਕੀਤਾ ਗਿਆ | ਸਰਬ ਧਰਮ ਦੇ ਇਸ ਪ੍ਰੋਗਰਾਮ ਵਿੱਚ ਸ਼੍ਰੀ ਜੋਗਿੰਦਰ ਕੁਮਾਰ ਜੀ ਜਿਹੜੇ ਕਿ ਫਰਾਂਸ ਵਿਚਲੀਆਂ ਰਜਿਸਟਰਡ ਸਾਰੀਆਂ ਹੀ ਭਾਰਤੀ ਸੰਸਥਾਵਾਂ ਦੇ ਪ੍ਰਮੁੱਖ ਹਨ , ਮੁੱਖ ਮਹਿਮਾਨ ਦੇ ਤੌਰ ਤੇ ਹਾਜਰੀ ਲਗਵਾਉਣ ਵਾਸਤੇ ਪਹੁੰਚੇ ਹੋਏ ਸਨ |       

                            ਇਨ੍ਹਾਂ ਤੋਂ ਇਲਾਵਾ ਐਸੋਸੀਏਸ਼ਨ ਗੋਪੀਉ ਦੇ ਪ੍ਰਧਾਨ ਰਾਜਾ ਮੁਨੂੰਸੁਆਮੀ ਸਾਹਿਤ , ਜਥੇਦਾਰ ਗੁਰਦਿਆਲ ਸਿੰਘ ਖਾਲਸਾ , ਸ਼੍ਰੀਮਤੀ ਭਾਵਨਾ ਮਹਾਰਾਸ਼ਟਰ , ਸ਼ਿਵ ਕੁਮਾਰ , ਮਿਸਟਰ ਅਮੀਰੋਦੀਨ ਫਾਰੂਕ ,ਪੀਟਰ ਮਸੀਹ , ਪਿਆਰਾ ਮਸੀਹ , ਮਿਸਟਰ ਸੁਖਵਾਲ , ਯਸ਼ਪਾਲ ਸ਼ਰਮਾ , ਰਾਮ ਜੀ , ਸੰਜੀਵ ਪੌਲ , ਭਾਈ ਜਸਵਿੰਦਰ ਸਿੰਘ ਪਾਸਲਾ , ਰਾਜਵੀਰ ਸਿੰਘ ਤੁੰਗ , ਭੀਮ ਸੈਨ , ਪਿਨਾਕਨ ਡਿਸਾਈ , ਨਵੀਨ ਪਟੇਲ , ਸੈਲੀਸ਼ ਭਾਵਸਰ , ਮਿਸਟਰ ਉਮੇਸ਼ ਜੋਸ਼ੀ ਦੇ ਨਾਲ ਉਨ੍ਹਾਂ ਦੀ ਮਿਸਜ ਜੋਸ਼ੀ , ਮਿਸਟਰ ਸੰਜੀਵ ਪੌਲ ਅਤੇ ਉਨ੍ਹਾਂ ਦੀ ਧਰਮ ਪਤਨੀ ਪਰਮਿੰਦਰ ਕੌਰ , ਮਨੀਮਾਰਨ ਪੁਨੂੰਸੁਆਮੀ , ਸਤੀਲਾ ਪੁਨੂੰਸੁਆਮੀ , ਮਮਤਾ ਗੀਰਾ , ਜਿਊਤਨ ਡਿਸਾਈ , ਸੀਲੂ ਸਪੇਰਾ ਆਦਿ ਚਾਰਾਂ ਧਰਮਾਂ ਦੇ ਲੋਕਾਂ ਨੇ ਹਾਜਰੀ ਭਰੀ | ਹਰੇਕ ਬੁਲਾਰੇ ਨੇ ਇਸ ਗੱਲ ਤੇ ਜ਼ੋਰ ਦਿੱਤਾ ਕਿ ਸਾਨੂੰ ਧਰਮਾਂ ਤੋਂ ਉੱਪਰ ਉੱਠ ਕੇ ਇਨਸਾਨੀਅਤ ਦੇ ਭਲੇ ਦੀ ਗੱਲ ਕਰਨੀ ਚਾਹੀਦੀ ਹੈ , ਨਾ ਕਿ ਧਰਮਾਂ ਦੇ ਨਾਮ ਤੇ ਲੋਕਾਈ ਨੂੰ ਆਪਸ ਵਿਚ ਲੜਾਉਣਾਂ |

                              ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਵਲੋਂ ਗੁਰੂ ਘਰ ਆਏ ਹੋਏ ਸਾਰੇ ਹੀ ਧਰਮਾਂ ਦੀਆਂ ਲੱਗਭੱਗ 22 ਸ਼ਖਸ਼ੀਅਤਾਂ ਨੂੰ ਗੁਰੂ ਘਰ ਦੀ ਬਖਸ਼ਿਸ਼ ਸ਼੍ਰੀ ਸਿਰੋਪਾਏ ਦੇ ਕੇ ਨਿਵਾਜਿਆ ਗਿਆ | ਮਹਾਰਾਸ਼ਟਰ ਦੀ ਬੀਬੀ ਭਾਵਨਾ ਨੇ ਆਪਣੇ ਸੰਬੋਧਨ ਵਿੱਚ ਸਾਰਿਆਂ ਨੂੰ ਇੱਕ ਪਿਤਾ ਏਕਸ ਕੇ ਹਮ ਬਾਰਕ ਦਾ ਸੁਨੇਹਾ ਦਿੰਦੇ ਹੋਏ ਕਿਹਾ ਕਿ ਅਸੀ ਇਨਸਾਨ ਜੰਮੇ ਸੀ ਤੇ ਇਨਸਾਨ ਬਣਕੇ ਹੀ ਸਾਨੂੰ ਦੁਨੀਆਂ ਵਿੱਚ ਵਿਚਰਨਾ ਚਾਹੀਦਾ ਹੈ | ਐਸੋਸੀਏਸ਼ਨ ਗੋਪੀਉ ਦੇ ਮੁਖੀ ਰਾਜਾ ਮੁਨੂੰਸੁਆਮੀ ਨੇ ਕਿਹਾ ਕਿ ਸਰਬ ਧਰਮ ਦੇ ਇਹੋ ਜਿਹੇ ਪ੍ਰੋਗਰਾਮ ਹੁੰਦੇ ਹੀ ਰਹਿਣੇ ਚਾਹੀਦੇ ਹਨ ਤਾਂ ਕਿ ਲੋਕ ਮਜ਼੍ਹਹਬਾਂ ਦੀ ਲੜਾਈ ਲੜਨ ਦੀ ਬਜਾਏ ਆਪਸੀ ਮਿਲਵਰਤਨ ਨੂੰ ਪਹਿਲ ਦੇਣ | ਗੁਰੂ ਕੇ ਲੰਗਰ ਵੀ ਅਟੁੱਟ ਵਰਤਾਏ ਗਏ | ਸਟੇਜ ਦੀ ਸੇਵਾ ਇਕਬਾਲ ਸਿੰਘ ਭੱਟੀ ਨੇ ਬਾਖੂਬੀ ਨਿਭਾਈ |