ਜਲੰਧਰ( ਦਾ ਮਿਰਰ ਪੰਜਾਬ)-ਇੰਨੋਸੈਂਟ ਹਾਰਟਸ ਕਾਲਜ ਆਫ਼ ਐਜੂਕੇਸ਼ਨ, ਜਲੰਧਰ ਦੇ ਸਾਰੇ ਵਿਦਿਆਰਥੀ-ਅਧਿਆਪਕ ਜੀਐੱਨਡੀਯੂ ਬੀ.ਐੱਡ. ਸਮੈਸਟਰ- III ਪ੍ਰੀਖਿਆ (ਦਸੰਬਰ 2021) ਦੇ ਨਤੀਜੇ ਵਿੱਚ ਫਸਟ ਡਵੀਜ਼ਨ ਹਾਸਿਲ ਕਰਕੇ ਜਿੱਤ ਦੀ ਸਿਖਰ ਤੇ ਪਹੁੰਚੇ। 26% ਤੋਂ ਵੱਧ ਵਿਦਿਆਰਥੀ-ਅਧਿਆਪਕਾਂ ਨੇ ਡਿਸਟਿੰਕਸ਼ਨ ਹਾਸਿਲ ਕੀਤੀ। ਸ਼ਿਖਾ ਸਨਨ ਨੇ 80.57% ਅੰਕ ਲੈ ਕੇ ਕਾਲਜ ਵਿੱਚ ਪਹਿਲਾ, ਅੰਕਿਤਾ ਸੂਰੀ ਨੇ 78.57% ਅੰਕ ਲੈ ਕੇ ਦੂਜਾ ਸਥਾਨ, ਕੋਮਲ ਵਰਮਾ ਅਤੇ ਹਰਨੀਤ ਕੌਰ ਨੇ 78.28% ਅੰਕ ਲੈ ਕੇ ਕਾਲਜ ਵਿੱਚ ਤੀਜਾ ਸਥਾਨ ਅਤੇ ਦੀਕਸ਼ਾ ਅਤੇ ਅਮਨਪ੍ਰੀਤ ਕੌਰ ਨੇ ਕਾਲਜ ਵਿੱਚ 78% ਅੰਕਾਂ ਨਾਲ ਚੌਥਾ ਸਥਾਨ ਹਾਸਲ ਕੀਤਾ। ਸ਼ਿਖਾ ਸਨਨ ਨੇ ਧੰਨਵਾਦ ਸਹਿਤ ਕਿਹਾ, “ਮੈਂ ਆਪਣੀ ਸਫਲਤਾ ਦਾ ਸਿਹਰਾ ਆਪਣੇ ਮਿਹਨਤੀ ਦੋਸਤਾਂ, ਅਧਿਆਪਕਾਂ, ਸਤਿਕਾਰਯੋਗ ਪ੍ਰਿੰਸੀਪਲ ਸਾਹਿਬ ਨੂੰ ਦਿੰਦੀ ਹਾਂ, ਉਨ੍ਹਾਂ ਸਾਰਿਆਂ ਨੇ ਮੈਨੂੰ ਸਖ਼ਤ ਮਿਹਨਤ ਕਰਨ ਅਤੇ ਚੰਗੇ ਅੰਕ ਹਾਸਲ ਕਰਨ ਲਈ ਅਤੇ ਵੱਧ ਤੋਂ ਵੱਧ ਯਤਨ ਕਰਨ ਲਈ ਪ੍ਰੇਰਿਤ ਕੀਤਾ। ਅੰਕਿਤਾ ਸੂਰੀ ਨੇ ਅੱਗੇ ਕਿਹਾ, ਇਹ ਮੇਰੇ ਮਾਤਾ-ਪਿਤਾ ਦੇ ਨਿਰੰਤਰ ਭਾਵਨਾਤਮਕ ਸਮਰਥਨ ਤੋਂ ਬਿਨਾਂ ਸੰਭਵ ਨਹੀਂ ਸੀ। ਅਧਿਆਪਕਾਂ ਨੇ ਹਮੇਸ਼ਾ ਆਪਣੀ ਯੋਗ ਅਗਵਾਈ ਅਤੇ ਸਮੇਂ ਸਿਰ ਪ੍ਰੇਰਣਾ ਪ੍ਰਦਾਨ ਕੀਤੀ ਹੈ, ਜਿਸ ਕਾਰਨ ਇਹ ਅਕਾਦਮਿਕ ਪ੍ਰਾਪਤੀ ਹੋਈ ਹੈ।” ਮੈਨੇਜਮੈਂਟ ਦੇ ਮੈਂਬਰਾਂ, ਕਾਰਜਕਾਰੀ ਡਾਇਰੈਕਟਰ (ਕਾਲਜਾਂ) ਸ੍ਰੀਮਤੀ ਅਰਾਧਨਾ ਬੌਰੀ, ਪ੍ਰਿੰਸੀਪਲ ਡਾ.ਅਰਜਿੰਦਰ ਸਿੰਘ ਅਤੇ ਫੈਕਲਿਟੀ ਮੈਂਬਰਾਂ ਨੇ ਸ਼ਾਨਦਾਰ ਨਤੀਜੇ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀ-ਅਧਿਆਪਕਾਂ ਨੂੰ ਵਧਾਈ ਦਿੱਤੀ। ਸਾਰੇ ਵਿਦਿਆਰਥੀ-ਅਧਿਆਪਕ ਬਹੁਤ ਖੁਸ਼ ਹੋਏ ਅਤੇ ਉਨ੍ਹਾਂ ਨੇ ਸ਼ਾਨਦਾਰ ਅਕਾਦਮਿਕ ਪ੍ਰਦਰਸ਼ਨ ਲਈ ਆਪਣੇ ਸਲਾਹਕਾਰਾਂ ਦਾ ਧੰਨਵਾਦ ਕੀਤਾ।
