ਪੈਰਿਸ 25 ਜੁਲਾਈ ( ਭੱਟੀ ਫਰਾਂਸ ) ਐਨ.ਆਰ.ਆਈ ਸਪੋਰਟਸ ਕਲੱਬ ਬੈਲਜੀਅਮ ਦੇ ਪਰਬੰਧਕਾ ਵੱਲੋਂ ਬੀਤੇ ਕੱਲ ਕਰਵਾਏ ਗਏ ਕਬੱਡੀ ਟੂਰਨਾਮੈਂਟ ਵਿੱਚ ਭਾਗ ਲੈਣ ਵਾਸਤੇ ਜਿੱਥੇ ਯੂਰਪ ਭਰ ਤੋਂ ਚੋਟੀ ਦੀਆਂ ਟੀਮਾਂ ਪਹੁੰਚੀਆ ਹੋਈਆਂ ਸਨ, ਉੱਥੇ ਹੀ ਫਰਾਂਸ ਤੋਂ ਪੰਜਾਬ ਸਪੋਰਟਸ ਕਲੱਬ ਫਰਾਂਸ ਦੀ ਟੀਮ ਵੀ ਆਪਣੇ ਪਰਬੰਧਕਾ ਸਮੇਤ ਪਹੁੰਚੀ ਹੋਈ ਸੀ। ਫਰਾਂਸ ਦੀ ਇਸ ਟੀਮ ਦੀ ਹੌਸਲਾ ਹਫਜਾਈ ਵਾਸਤੇ ਅਜੀਤ ਸਿੰਘ ਲੰਬੜ ਦੀ ਅਗਵਾਈ ਹੇਠ ਫਰਾਂਸ ਦੇ ਬਹੁਤ ਸਾਰੇ ਪੰਜਾਬੀ ਨੌਜਵਾਨ ਵੀ ਬੈਲਜੀਅਮ ਪਹੁੰਚੇ ਹੋਏ ਸਨ । ਇਸ ਕਬੱਡੀ ਟੂਰਨਾਮੈਂਟ ਵਿੱਚੋਂ ਹਾਲੈਂਡ ਦੀ ਟੀਮ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ ਜਦਕਿ ਬਾਬਾ ਬੰਦਾ ਸਿੰਘ ਬਹਾਦਰ ਫਰਾਂਸ ਦੀ ਟੀਮ ਦੂਸਰੇ ਸਥਾਨ ਤੇ ਰਹੀ ।
